Voleybolchilarimiz bu mavsum ishtirok etadigan musobaqalarga qur’a tashlandi
Osiyo voleybol konfederatsiyasi taqvim rejasidan joriy yil bir qator musobaqalar joy olgan. Konfederatsiya ZOOM platformasi orqali Osiyo o‘yinlarigacha bo‘lgan davrda o‘tadigan musobaqalar uchun qur’a tashlash marosimini o‘tkazdi.
O‘zbekiston voleybol federatsiyasining ma’lum qilishicha, erkaklar va ayollar jamoalarimiz ushbu muddat ichida 6 ta musobaqada ishtirok etadi. Vakillarimiz qatnashadigan turnirlar, ularning muddati va raqiblarimiz haqida:
Women’s club volleyball championship (24-30 aprel, Qozog‘iston): Qozog‘iston (A va B jamoalari), Tailand, Eron, O‘zbekiston, Yaponiya.
Qizlar o‘rtasida U-17 Osiyo chempionati (6-13 iyun, O‘zbekiston). A guruhi: O‘zbekiston, Tailand, Koreya Respublikasi, Avstraliya, Eron.
Qizlar o‘rtasida U-19 Osiyo chempionati (4-11 iyul, Qozog‘iston). B guruhi: Yaponiya, Vetnam, O‘zbekiston.
Ayollar o‘rtasida Chellenj kubogi (22-28 avgust, Gonkong). B guruhi: Mo‘g‘uliston, Yangi Zelandiya, O‘zbekiston, Shri-Lanka.
Men’s club volleyball championship (14-20 may, Eron): A guruhi: Eron, Tailand, O‘zbekiston, Yaponiya.
Erkaklar o‘rtasida Chellenj kubogi (24 avgust, 4 sentyabr, Qirg‘iziston). В guruhi: Saudiya Arabistoni, Shri-Lanka, O‘zbekiston, Quvayt.
Mazkur musobaqalar jamoalarimiz uchun joriy yilning 10-25 sentyabr kunlari Xitoyda o‘tadigan Osiyo o‘yinlariga saralash vazifasini bajarib beradi. Unga o‘tkaziladigan qur’a keyinroq tashkil etilishi ma’lum qilindi.
