Iordaniyada Boks boʻyicha yoshlar oʻrtasida Osiyo chempionati yakunlandi. Soʻnggi dasturda yigitlarimiz chempionlik uchun ringga chiqishdi. Quvonarlisi, hamyurtlarimiz 10 ta finaldan 7 tasida gʻalaba qozonib, umumjamoa hisobida peshqadamlikni qoʻlga kiritishdi.

Chempionlar:
-51 kg: Xo‘janazar Nortojiyev
-54 kg: Abduvali Bo‘riboyev
-57 kg: Baxtiyor Asadov
-67 kg: Fazliddin Erkinboyev
-75 kg: Rahmatullo Boymatov
-80 kg: Abdulaziz Abdurahmonov
-92 kg: Aynazar Kenesbayev.

Kumush medal sohiblari:
-63.5 kg: Javohir Ummataliyev
-71 kg: Alisher Ayubov
-86 kg: Jamoliddin Qozoqov

Bronza medali sohiblari:
-48 kg: Miralijon Mavlonov
-60 kg: Suhrob Aminov

Yosh yigitlarimiz oʻz toifalarida 7 ta oltin, 3 ta kumush va 2 ta bronza medallarini jamgʻarishga muvaffaq boʻldilar. Oʻzbekiston Milliy Olimpiya qoʻmitasi qoʻlga kiritilgan bunday ajoyib natija bilan Oʻzbekiston boks federatsiyasi, sportchi va murabbiylarimizni samimiy tabriklab qoladi.