Tehron shahrida “Osiyo taekvondo federatsiyasi prezidenti kubogi” musobaqasi davom etmoqda. Bugun 3 nafar hamyurtimiz shohsupaga koʻtarilishga muvaffaq boʻldi.

-63 kg vazn toifasida Niyaz Poʻlatov finalgacha yetib bordi. Biroq eronlik Zaid Alxalvaniga qarshi hal qiluvchi bahsda imkoniyatni boy berib qoʻydi va kumush medal bilan cheklandi.

-74kg vazn toifasida Jasur Jaysunov yarim finalda eronlik Mirhoshim Hussayniga yutqazdi va bronza medali bilan kifoyalandi. Shuningdek, -87 kg vazn toifasida yarim finalgacha yetib borgan Nikita Rafalovich ham shohsupaning uchinchi pogʻonasidan joy oldi.