9 Mart 2022
2129
"Fajr Open": Jahongir Xudoyberdiyev jamoamizga navbatdagi medalni taqdim qildi
Eronda o‘tkazilayotgan "Fajr Open" xalqaro musobaqasida taekvondochilarimiz navbatdagi medalni qo‘lga kiritishdi. Ortda qolgan navbatdagi kun dasturi Jahongir Xudoyberdiyev uchun omadli keldi.
-54 kg vazn toifasida ishtirok etgan vakilimiz 4 ta jangni muvaffaqiyatli o‘tkazib, finalga yo‘l oldi. Afsuski, oltin medal uchun kechgan bahsda mezbonlarning yetakchi sportchisi Amir Muhammadga imkoniyatni boy berib qo‘ydi.
Shu tariqa, jamoamiz "Fajr Open" musobaqasida 1 ta oltin va 3 ta kumush medallarni qo‘lga kiritib turibdi. Bundan avvalgi bahslarda Svetlana Osipova oltin, Charos Qayumova hamda Ozoda Sobirjonova kumush medalga sazovor bo‘lgan edi.
