Chexiya poytaxti Pragada dzyudo bo‘yicha Yevropa ochiq chempionati o‘z yakuniga yetdi. Quvonarlisi, unda eng og‘ir vazn toifasida ishtirok etgan polvonimiz O‘tkirbek To‘raboyev oltin medalni qo‘lga kiritdi.

To‘raboyev saralash bosqichida Mo‘g‘uliston, Italiya, Ruminiya vakillarini, yarim final va finalda germaniyalik ikki taniqli dzyudochilarni mag‘lub etishni uddaladi. Shu tariqa, yosh polvonimiz xalqaro maydondagi dastlabki yirik gʻalabasini qo‘lga kiritmoqda.

Eslatib o‘tamiz, kechagi bahslar doirasida Rahimjon Subhonov -66 kg vazn toifasida bronza medaliga sazovor bo‘lgan edi. Shu tariqa, jamoamiz ushbu musobaqani 1 tadan oltin va bronza medallari bilan yakunladi.