Bahodir Ahmedovni tabriklaymiz!
Bugun O‘zbekiston Respublikasi Madaniyat vazirining birinchi o‘rinbosari, O‘zbekiston chim ustida xokkey federatsiyasi raisi Bahodir Ahmedov tavallud ayyomini nishonlamoqda.
Bahodir Ahmedov 1973 yil dunyoga kelgan. 1996 yilda Toshkent elektrotexnika aloqalar institutini, 2007 yilda esa O‘zbekiston Respublikasi Prezidenti huzuridagi Davlat boshqaruv akademiyasini bitirgan. U kishi turli yillarda "O‘zbeknavo" estrada birlashmasi bosh direktori, Madaniyat va sport vaziri, Toshkent viloyati hokimi o‘rinbosari sifatida ishlagan. Bir necha yildan buyon O‘zbekiston chim ustida xokkey federatsiyasi raisi lavozimida faoliyat ko‘rsatib kelmoqda. Sport sohasida ko‘rsatgan xizmatlari uchun "Jismoniy tarbiya va sport a’lochisi" ko‘krak nishoni bilan taqdirlangan.
O‘zbekiston Milliy Olimpiya qo‘mitasi Bahodir Ahmedovni tug‘ilgan kuni bilan tabriklab, u kishiga uzoq umr va sihat-salomatlik tilab qoladi.
