Yengil atletikachimiz Roksana Xudoyorova Avstraliyadagi xalqaro musobaqada ishtirok etayotgani haqida xabar bergan edik. Bugun sportchimiz yana bir yo‘nalishda medal qo‘lga kiritdi.

Tokio-2020 ishtirokchisi Roksana bu gal uzunlikka sakrash dasturida qatnashib, kumush medalga sazovor bo‘ldi. Hamyurtimiz musobaqada 6.12 m natija qayd etdi.

Eslatib o‘tamiz, Xudoyorova kecha uch hatlab sakrash dasturida 13.60 m ko‘rsatkich bilan oltin medalni qo‘lga kiritgan edi.