Dzyudochilarimiz Chexiyada o‘tayotgan Yevropa ochiq chempionatida dastlabki medalni qo‘lga kiritishdi. Bugun bo‘lib o‘tgan bahslarda Rahimjon Subhonov bronza medaliga ega chiqdi.

-66 kg kg vazn toifasida kurashgan polvonimiz chorak finalda Rio-2016 ishtirokchisi, italiyalik Elios Manziga mag‘lub bo‘ldi. Shundan so‘ng dastlab o‘tish bosqichida, keyin bronza medali uchun kechgan kurashda g‘alaba qozonib, shohsupaga ko‘tarilishga erishdi.

Afsuski, bugungi bahslarda tatamiga chiqqan qolgan vakillarimiz medallar uchun kurashish bosqichiga yetib kela olmagan bo‘lsalar-da, o‘z hisoblariga qimmatli reyting ochkolarini qo‘shib qo‘yishdi.