5 Mart 2022
1276
Muxtasar Tohirovani tabriklaymiz!
Bugun o‘q otish sporti bo‘yicha terma jamoamiz a’zosi Muxtasar Tohirova tavallud ayyomini nishonlamoqda.
Tohirova Muxtasar Jahongir qizi 2000 yil 5 mart kuni Namanganda tug‘ilgan. Pnevmatik miltiqdan otish bo‘yicha 2017 yildan milliy terma jamoa a’zosi hisoblanadi. Ko‘plab xalqaro musobaqalar g‘olib va sovrindori, Tokio-2020 Olimpiya o‘yinlari ishtirokchisi. 2021 yil Qozog‘istonda o‘tgan Osiyo chempionatida ikki dasturda kumush medalni qo‘lga kiritgan. Olimpiya o‘yinlari yakunida Prezidentimiz tomonidan “Kelajak bunyodkori” medali bilan taqdirlandi.
O‘zbekiston Milliy Olimpiya qo‘mitasi Muxtasar Tohirovani tavallud ayyomi bilan tabriklab, unga uzoq umr va sihat-salomatlik tilab qoladi.
