Bugun akademik eshkak eshish bo‘yicha Milliy terma jamoamiz a’zosi Shahboz Xolmirzayev tavallud ayyomini nishonlamoqda.

Sportchimiz 1996 yil 26 fevral kuni Toshkent viloyatida tavallud topgan. Xolmirzayev 2018 yilgi Osiyo o‘yinlari g‘olibi, Rio-2016 va Tokio-2020 Olimpiya o‘yinlari ishtirokchisi, Osiyo chempioni va qator xalqaro musobaqalar g‘olibi hisoblanadi. Hamyurtimiz 2019 yil ko‘rsatgan xizmatlari uchun “Mard o‘g‘lon” davlat mukofoti bilan taqdirlangan.

O‘zbekiston Milliy Olimpiya qo‘mitasi sportchimizni tavallud ayyomi bilan muborakbod etadi va unga mustahkam sog‘lik, ulkan muvaffaqiyatlar va omad tilab qoladi.