24 Fevral 2022
1279
Kun tarixi: Olimpiadada ilk marotaba madhiyamiz yangraganiga 28 yil bo‘ldi!
1994 yil 24 fevral kuni Norvegiyaning Lillexammer shahrida o‘tgan XVII qishki Olimpiya o‘yinlarida mustaqil O‘zbekiston Respublikasi o‘z tarixida ilk bor Olimpiya o‘yinlarining oltin medaliga sazovor bo‘lgan.
Roppa-rosa 28 yil muqaddam butun Respublikamiz bo‘ylab mazkur g‘alabamiz katta shodiyona bilan nishonlangan edi. Afsonaviy fristaylchimiz Lina Cheryazovaning ushbu oltin medali biz uchun qishki Olimpiya o‘yinlarida yagonaligicha qolmoqda.
Ma’lumot uchun, birgina ushbu natija Lillexammer Olimpiadasida delegatsiyamizning Fransiya, Finlyandiya, Xitoy, Buyuk Britaniya, Niderlandiya kabi qishki sport turlarida yetakchi hisoblanmish davlatlardan umumjamoa hisobida yuqori o‘rinda turishimizni ta’minlagan edi.
