24-25 fevral kunlari Livanda tog‘ chang‘isi bo‘yicha Osiyo chempionati bo‘lib o‘tadi. Unda ishtirok etadigan jamoamiz bugun tunda Livanga yo‘l oldi.

Tarkibda Pekin-2022 qishki Olimpiya o‘yinlarida yurtimiz sharafini himoya qilgan Komiljon To‘xtayev, Lozanna-2020 yoshlar Olimpiadasi ishtirokchisi Valeriya Kovalyova singari sportchilarimizni uchratish mumkin. O‘zbekiston chang‘i sporti federatsiyasining ma’lum qilishicha, bosh murabbiyi Andrey Voronov quyidagi tarkibni Osiyo chempionatiga jalb qilgan:

Erkaklar:
Komiljon To‘xtayev
Arman Gayupov
Medet Nazarov
Rolan Raimqulov

Ayollar:
Valeriya Kovalyova
Ra’no Imonqulova
Sabina Sultonova

Hamyurtlarimiz musobaqada slalom va gigant slalom dasturlarida ishtirok etishadi.