Bugun Isroil poytaxtida o‘tkazilayotgan dzyudo bo‘yicha “Katta dubulg‘a” turnirida ikkinchi kun bellashuvlari bo‘lib o‘tadi. Unda 4 vazn toifasida bahslar o‘tkaziladi.

Dastlab -81 kg vazn toifasida Ma’ruf Haydarov belgiyalik Sami Shushiga qarshi bellashuv bilan vakillarimizning bugungi ishtirokini boshlab beradi. Shundan so‘ng Obidxon No‘monov dominikanlik Antonio Tornal bilan hisob-kitob qiladi. Shuningdek, -70 kg vazn toifasida bahs olib boradigan qizimiz Shohista Nazarova birinchi davrani ukrainalik Nataliya Chistakovaga qarshi o‘tkazadi.

Ma’lumot uchun, kechagi bahslarda vakillarimiz orasida Diyora Keldiyorova (-52 kg) bronza medali uchun kurashish bosqichigacha yetib keldi. Biroq unda dzyudochimiz vengriyalik Reka Pupga imkoniyatni boy berib qo‘ydi.