16 Fevral 2022
3303
Triatlonchilarimiz Yangiobodda yig'inga kirishishdi
Triatlon bo'yicha milliy terma jamoamiz 2022-yilning 3-fevralidan 25-fevraliga qadar "Yangiobod" o'quv bazasida o'quv-mashg'ulot yig'inini o'tkazmoqda.
Bosh murabbiy Viktor Zemsev rahbarligida sportchilar kuniga 3 mahaldan barcha yo'nalishlarda mashg'ulotlar olib borishmoqda. Tog'li hududlarda mashg'ulotlar asosiy mushak guruhlarining chidamliligini oshirishi mumkin, dengiz sathidan 1000 m balandlikda (Yangiobod o'quv bazasi joylashgan) yengil gipoksiya bo'lishi sportchilarning kislorod yetishmovchiligida ishlash uchun imkon beradi, bu esa musobaqalarda muhim ahamiyatga ega.
Eslatib o'tamiz, ushbu yig'in joriy yil Xitoyning Xanchjou shahrida o'tadigan Osiyo o'yinlari va Parij-2024 Olimpiadasiga tayyorgarlik ko'rish maqsadida o'tkazilmoqda.
