16 Fevral 2022 936

Respublikaning eng kuchli shpagachilari poytaxtda yig'ildi

Toshkentda qilichbozlik bo'yicha O'zbekiston Kubogi bahslari davom etmoqda. Mazkur turnirning asosiy maqsadlaridan biri yilning mas'uliyatli startlari oldidan terma jamoaga iste'dodli va munosib nomzodlarni saralab olishdir.

Musobaqada mamlakatimizning turli viloyatlardan tashrif buyurgan 150 dan ziyod sportchilar ishtirok etishmoqda. Jumladan, Andijon, Navoiy, Buxoro, Samarqand, Namangan, Toshkent viloyatlari va Qoraqalpog'iston Respublikasidan kelgan sportchilar chempionlik uchun kurash olib bormoqda.

Musobaqa murosasiz kurashlarga boy. Boisi eng kuchli atletlar chempionlik unvonini qo'lga kiritishi bilan birga respublika va xalqaro miqyosdagi nufuzli musobaqalarda ishtirok etishi ko'zda tutilgan.

Musobaqa 19-fevral kunga qadar davom etadi.

Belgilangan matnni tinglash uchun quyidagi tugmani bosing Powered by GSpeech