15 Fevral 2022
2543
Chinozlik futzalchi yoshlar viloyat birinchiligida g‘alaba qozonishdi
Yuqori Chirchiq tumanida 2006-yilda tug‘ilgan BO‘SM va IBO‘SM shug‘ullanuvchilari o‘rtasida futzal bo‘yicha «Sport maktablari futbol ligasi» Respublika musobaqasining Toshkent viloyati final bosqichi o‘tkazildi.
Keskin va murosasiz kurashlarga boy o‘tgan o‘yinlarda barcha raqiblaridan ustun bo‘lgan Chinoz tumani BO‘SM hamda Bekobod shahar BO‘SM jamoalari finalda to‘qnash keldilar. Gollarga boy o‘tgan final o‘yinida 8:3 hisobida zafar quchgan Chinoz tumani BO‘SM jamoasi g‘oliblikni qo‘lga kiritdi.
