Pekin-2022 qishki Olimpiya o‘yinlarida biatlon bo‘yicha erkaklar o‘rtasidagi poyga o‘z yakuniga yetdi. Olimpiya o‘yinlariga xos shiddatli ruhda o‘tgan bahsda norvegiyalik biatlonchilar oltin medalga sazovor bo‘lishdi.

Ahamiyatlisi, skandinavlar birinchi o‘q otishdan so‘ng 13-pog‘onada ketishayotgan edi. Rossiya Olimpiya qo‘mitasi vakillari esa so‘nggi sakkizinchi otishgacha peshqadamlik qilishdi. Biroq Eduard Latipovning tik turgan holda otishda yo‘l qo‘ygan xatolari va 2 bor jarima maydonini aylangani sabab yakunda uchinchi bo‘lib finish chizig‘ini kesib o‘tdi. Kumush medallar Fransiya jamoasiga nasib etdi.

Pekin-2022. Biatlon, erkaklar estafetasi
1. Norvegiya – 1:19:50.2
2. Fransiya +27.4 soniya
3. ROQ +45.3