14 fevral kuni shoh va shoir Zahiriddin Muhammad Bobur tavalludi munosabati bilan samarqandlik yoshlar uchun ajoyib tadbir tashkil etildi.

Ushbu sana munosabati bilan O‘zbekiston kamondan otish federatsiyasi hamda Samarqand viloyati Jomboy tumani hokimligi, Milliy Gvardiya va Mudofaa vazirligining Samarqand viloyati bo‘limi hamkorligida Yoshlar forumi o‘tkazildi. Unda harbiylarimiz va ushbu sport turi instruktorlari tuman yoshlarini armiyamiz texnikasining o‘ziga xosliklari qatorida kamondan otish sportiga oid qiziqarli ma’lumotlar bilan yaqindan tanishtirishdi.

Ta’kidlash joiz, Bobur tarixda ham buyuk sarkarda , ham mohir kamonchi bo‘lgani ushbu tadbir mohiyatiga yanada katta ta’sir o‘tkazdi.