Xorazmda voleybol bo‘yicha qizlar o‘rtasida “Barkamol avlod” sport musobaqalarining respublika final bosqichi bo‘lib o‘tdi. Unda hududiy bosqichlarda g‘oliblikni qo‘lga kiritgan jamoalar respublikada kim kuchli ekanliklarini isbotlash uchun parketga chiqishdi.

O‘tkazilgan final bahsida mezbon Xorazm viloyati jamoasi farg‘onalik qizlarga qarshi bahs olib borishdi. Keskin kurashlar ostida o‘tgan bahsda Farg‘ona viloyati jamoasi chempionlikni qo‘lga kiritdi. Respublika final bosqichining 3-o‘rini Sirdaryo viloyati jamoasi qizlariga nasib etdi. Shu bilan voleybol bo‘yicha qizlar o‘rtasida o‘tkazilgan musobaqa yakunlandi.

Ma’lumot uchun, ushbu sport turi bo‘yicha o‘g‘il bolalar o‘rtasida «Barkamol avlod» sport musobaqalarining respublika final bosqichi Toshkent shahrida o‘tkaziladi. Musobaqaga 17 fevral kuni start berilishi kutilmoqda.