Velosport bo‘yicha O‘zbekiston yoshlar terma jamoasi vakillari Samandar Sultonov va Davir Abdurahmonovning iqtidorini payqagan Fransiya klubi ularni o‘z tarkibiga qo‘shib olish uchun taklif qildi. Yoshlarimiz ayni paytda Fransiyaga yetib borishdi.

So‘nggi tekshiruvlardan so‘ng sportchilarimiz yangi jamoalarida mashg‘ulotlarni boshlashadi. “Team Culture Velo u19” klubi Tuluza shahrida joylashgan bo‘lib, ko‘plab iqtidorli yoshlarni tarbiyalab bergan jamoa hisoblanadi.

Yoshlarimiz u yerda Tojikistonda shosseda o‘tkaziladigan Osiyo chempionatigacha mashg‘ulot olib borishadi. Ular bo‘lajak musobaqada ko‘ngildagidek ishtirok etib, murabbiylar ishonchini oqlay olishsa, kelishuv yanada uzaytiriladi.