MOQ qoshida tashkil etilgan Respublika sport tibbiyoti ilmiy-amaliy markazi bir qator zamonaviy innovatsion tibbiy jihozlar bilan ta’minlangan bo‘lib, unda sportchilarimiz turli tekshiruvlardan o‘tadilar. Ana shunday tadqiqotlardan biri yosh yunon-rum kurashchilarimiz uchun tashkil etildi.

Unda 4 nafar polvonimiz Markaz texnikalarida inovatsion tekshiruvda bo‘lishdi. Dastavval ulardan genetik tahlillar uchun qon olindi. Shundan so‘ng BOSS uskunasida psixologik bioboshqaruv tekshiruvi amalga oshirildi. Har ikki tekrishuv yakuniga yetgach, markazning tajribali tor doiradagi shifokorlari "PULSAR" uskunasida yurak qon-tomir tizimidagi tekshiruv o‘tkazishdi.

Yakunda qayd etilgan ko‘rsatkichlar bo‘yicha kerakli tavsiyalar berilib, olingan natijalar bo‘yicha fikrlar bildirildi.