11 Fevral 2022
1804
Shayxontohur tumani yoshlari uchun ommaviy sport bayrami
Bir necha kun davomida poytaxtimizdagi Shayxontohur tumani yoshlari uchun qator ommaviy sport musobaqalari tashkil etildi. Ular doirasida 2, 3 va 4-sektor hududlarida o‘tkazilgan tadbirlar katta qiziqish uyg‘otdi.
Unda tumandagi maktablar sport maydonlarining ixtisoslashuviga qarab mini-futbol, stol tennisi, shaxmat va shashka, basketbol bo‘yicha musobaqalar o‘tkazildi. Qayd etish joiz, bu bellashuvlar tuman yoshlari uchun chinakam bayramga aylanib ketdi. 100 nafardan ziyod yoshlarni birlashtirgan bahslarda do‘stona muhit hukmron bo‘ldi.
