Ayni paytda test rejimida faoliyat olib borayotgan “Nurafshon” telekanali yoshlar orasida sog‘lom turmush tarzini targ‘ib qilish bo‘yicha ancha faol. Toshkent viloyati va hudud aholisi hayotida ro‘y berayotgan voqeliklarni yoritishga asoslangan kanal muxbirlari bu gal bokschimiz Madiyar Saidrahimov haqida reportaj tayyorlashdi. Unda Toshkent viloyati Bo‘stonliq tumanida tug‘ilib o‘sgan bokschimizning qiziqishlari, oldiga qo‘ygan rejalari, yutuqlari haqida hikoya qilinadi. O‘tgan yil kattalar o‘rtasidagi jahon chempionatida bronza medalini qo‘lga kiritgan bokschimiz haqidagi ushbu lavha yoshlarimizda sportga bo‘lgan qiziqishga turtki berishi tabiiy.