Pekin-2022 qishki Olimpiya o‘yinlarida sportchimiz Komiljon To‘xtayevni startga olib chiqadigan va ushbu musobaqaga tayyorlagan italiyalik mutaxassis Mattia Jianessi delegatsiyamiz tarkibiga kelib qo‘shildi.

Mutaxassis Milan-Pekin yo‘nalishi bo‘yicha uchib, bugun delegatsiyamiz istiqomat qilayotgan Yansindagi Olimpiya shaharchasiga kelib joylashdi. Shu paytgacha sportchimiz Yevropada o‘zi shug‘ullanadigan klubidagi boshqa murabbiylar bilan mashg‘ulot olib borayotgan edi. Bugundan Jianessining o‘zi Komiljon bilan tayyorgarlikning so‘nggi bosqichini olib boradi.