Taekvondochilarimiz Fujayrada yettita medal qo‘lga kiritishdi. Ulardan 4 tasi oltin!
Birlashgan Arab Amirliklarining Fujayra shahrida taekvondoning olimpiya oilasiga mansub WT yo‘nalishi bo‘yicha nufuzli turnir bo‘lib o‘tdi.
Butunjahon taekvondo WT taqvimida 2 ta reyting turniri bo‘lib, unda Olimpiada ochkolari o‘ynaladi. Ushbu turnirlarda taekvondo terma jamoamiz ikki guruhga bo‘lingan holda ishtirok etyapti. Ularning dastlabkisi "Fujairah Open-2022" musobaqasi hisoblanadi.
Quvonarlisi, asosiy tarkib bilan ushbu turnirga joʻnab ketgan terma jamoamiz Janubiy Koreya, Iordaniya, Germaniya kabi dunyoning yetakchi mamlakatlari bilan kechgan shiddatli raqobatda 4 ta oltin, 1 ta kumush, 2 ta bronza medalini qoʻlga kiritishdi.
Oltin medal:
Ulug‘bek Rashitov
Jasurbek Jaysunov
Feruza Sadikova
Svetlana Osipova
Kumush medal:
Charos Qayumova
Bronza medal:
Nikita Rafalovich
Niyoz Po‘latov
O‘zbekiston Milliy Olimpiya qo‘mitasi jamoamizni ushbu musobaqadagi muvaffaqiyatli ishtirok bilan qutlab qoladi.
