Turkiyada ayollar o‘rtasida "Grand Prix Velo Manavgat" musobaqasi bo‘lib o‘tdi. 99,6 km masofaga o‘tkazilgan poygada "Tashkent city professional cycling team" jamoasi a’zosi Sofiya Karimova uchinchi o‘rinni egalladi.

Shuningdek, ushbu musobaqada Nafosat Koziyeva 14-pog‘onadan joy olgan bo‘lsa, Madina Qahhorova 26, Shahnoza Abdullayeva 29, Anna Kuskova 32, Yelena Zayseva 36, Anna Kulikova va Irina Brezina mos ravishda 39 va 40-o‘rinlarni egalladi. Yana bir sportchimiz Margarita Misyurina 45-bo‘ldi. Afsuski, yetakchimiz Yanina Kuskova velosipedining g‘ildiragini almashtirishga majbur bo‘ldi va ko‘p vaqt yo‘qotdi. Natijada u 48-bo‘lib marraga yetib keldi.

Qayd etish kerak, poygada jami 58 nafar velosportchi qatnashgan bo‘lsa, ulardan 5 nafari finishga yetib kela olmadi.