Bugun uch nafar polvonimiz tatamiga chiqadi
Bugun Fransiya poytaxti Parij shahrida davom etayotgan "Katta Dubulg'a" turkumiga kiruvchi nufuzli turnirning ikkinchi kuni.
Ushbu toifadagi yilning ilk musobaqasida bugun uch nafar dzyudochimiz medallar hamda reyting ochkolari uchun bahslarga kirishadi. Bugun hamyurtlarimizdan Sharofiddin Boltaboev, Davlat Bobonov va Muzaffarbek To'raboevga muxlislik qilamiz.
Dzyudochilarimizning ilk raqiblari:
-81 kg: Sharofiddin Boltaboev - Kim Jong Xun (Janubiy Koreya)/Elliott Konnoli (Yangi Zelandiya)
-90 kg: Davlat Bobonov - Kevin Budan (Kamerun)/Jeon Ji Von (Janubiy Koreya)
-100 kg: Muzaffarbek To'raboev - Nikoloz Sherazadashvili (Ispaniya)/Kedrik Fraolivar (Fransiya)
Eslatib o‘tamiz, kechagi bahslarda Dilshod Baratov (-60 kg) ikki karra JCh sovrindori yaponiyalik Ryuju Nagayamaga imkoniyatni boy bergan bo‘lsa, Shahram Ahadov (-73 kg) bronza medali uchun kechgan bahsda Tokio-2020 sovrindori, mo‘g‘ulistonlik Send-Ochir Sogbatarga mag‘lub bo‘ldi.
