Bugun Fransiya poytaxtida dzyudo olamidagi eng nufuzli musobaqalardan biri Parij “Katta dubulg‘a” turniri start oladi. Bu yilgi bahslarda 52 mamlakatdan 285 nafar sportchi ishtirok etmoqda.

Bugun musobaqada ikki nafar vakilimiz tatamiga chiqadi. Dastlab -73 kg vazn toifasidagi hamyurtimiz Shahram Ahadov amerikalik Jek Yonezukaga qarshi bahs olib boradi. -60 kg vazndagi vakilimiz Dilshodbek Baratovni ancha jiddiy raqib kutib turibdi. Ikkinchi davraga belgilangan ushbu bahsda yaponiyalik Ryuju Nagayama raqiblik qiladi. Bo‘lajak bahslarda dzyudochilarimizga omad tilaymiz.