3 Fevral 2022 1752

Toshkent viloyatida ommaviy musobaqalar qizg'in davom etmoqda

Ayni kunlarda Toshkent viloyatining bir qator tuman va shaharlarida turli ommaviy sport musobaqalari va ko'plab tadbirlar o'tkazilmoqda.

Jumladan, Bekobod tumanida mini-futbol bo'yicha rahbar kubogi bahslari bo'lib o'tdi. Unda tumandagi ushbu sport ixlosmandlari g'oliblik uchun bellashdilar. Murosasiz kechgan o'yinlar yakunida BO'SM murabbiylari g'olib bo'lishdi.

Olmaliq shahrida esa jismoniy tarbiya murabbiylari armrestling va stol tennisi bahslarida bellashib, shogirdlariga chiroyli o'rnak namoyish qildilar.

Yana bir e'tiborli tadbir Bo'stonliq tumanida tashkil etildi. Unda turizm va sport vazirligi, O'zsDJTSU, volontyorlar uyushmasi hamkorligida "Ommaviy sportni keng tatbiq etish" mavzusida seminar tashkil etildi. Unda ishtirok etgan mutasaddilar Prezidentimiz tomonidan ilgari surilayotgan ushbu yo'nalish bo'yicha amalga oshirilayotgan ishlar haqida batafsil ma'lumot berib, ishtirokchilar bilan o'z tajribalarini o'rtoqlashishdi.

Text to speech