Birlashgan Arab Amirliklarining Abu-Dabi shahrida ot sporti bo'yicha jahonning taniqli chavandozlari ishtirokida xalqaro toifadagi nufuzli musobaqalar bo'lib o'tdi. "CSI * 4 145 Longines Ranking Abu Dhabi Alhiraa" nomi ostida tashkil etilgan mazkur turnirda O'zbekiston terma jamoasi a'zosi Abdurahmon Abdullayev konkur yo'nilishida "Konlouba" laqabli otda ishtirok etib, shohsupaga ko'tarildi. Hamyurtimiz ko'rsatgan natijalari evaziga ikkinchi pog'onadan joy olib, kumush medal bilan taqdirlandi.

Eslatib o'tamiz, bundan avvalroq boshqa bir yurtdoshimiz Behzod Qurbonov Rossiya federatsiyasi Moskva viloyatida bo'lib o'tgan "MAXIMA MASTERS" turnirida konkur yo'nalishida musobaqa marshrutini muvaffaqiyatli bosib o'tib, "King cornet" laqabli tulporida faxrli uchinchi o'rinni egallagandi.