31 Yanvar 2022
2465
Gandbolchilarimiz Osiyo chempionatini kuchli sakkizlikda yakunlashdi
Saudiya Arabistonida gandbol bo'yicha erkaklar o'rtasida Osiyo chempionati o'z yakuniga yetib bormoqda. Unda ishtirok etgan terma jamoamiz musobaqani kuchli sakkizlikda tamomladi.
Yettinchi o'rin uchun kechgan bellashuvda yigitlarimiz quvaytlik gandbolchilarga qarshi bahs olib borishdi. Murosasiz kechgan o'yin raqiblarning 32:30 hisobidagi g'alabasi bilan yakunlandi va jamoamiz musobaqani sakkizinchi o'rinda yakunladi.
Chempionlik yo'lida kurashayotgan jamoalar xususida to'xtaladigan bo'lsak, bugun Qatar va Bahrayn jamoalari oltin medal masalasini hal qilishadi. Uchinchi o'rin uchun esa Eron va Saudiya Arabistoni jamoalari maydonga chiqishadi.
