29 Yanvar 2022
2724
Murodjon Yo‘ldoshev dzyudochilarimizning mavsumdagi ilk oltin medalini qo‘lga kiritdi
Almada shahrida dzyudo bo‘yicha mukofot jamg‘armasi 100 000 AQSh dollarini tashkil etuvchi Portugaliya Gran-Prisining ikkinchi kungi bahslari yakuniga yetdi.
Bir oz avval -73 kg vazn toifasidagi final uchrashuvi o‘z nihoyasiga yetdi. Quvonarlisi, unda dzyudochimiz Murodjon Yo‘ldoshev ispaniyalik Salvador Kases Rokani ippon bahosi bialn mag‘lubiyatga uchratib, oltin medal sohibiga aylandi. Bu O‘zbekiston terma jamoasining 2022 yilning ilk musobaqasidagi birinchi medali bo‘ldi.
Qolaversa, Murodjon faoliyatida ilk bor IJF tasnifidagi musobaqada medal qo‘lga kiritdi. Yo‘ldoshev Portugaliya Gran-Prisi oltin medali bilan birga qimmatli 700 reyting ochkosiga ham ega bo‘ldi.
