Bugun ijtimoiy tarmoqlardagi ayrim manbalarda Oʻzbekiston Milliy Olimpiya qoʻmitasi kuchli bosim ostida qolgani va buning natijasida havaskor va professional boks federatsiyalari birlashtirilgani haqida xabarlar tarqatildi. Shuni taʼkidlash joizki, bu mutlaqo asossiz va yolgʻon maʼlumot!

Boks mamlakatimiz yoshlari orasidagi eng sevimli va ommaviy sport turlaridan biri. Shuningdek, bokschilarimiz xalqaro maydonlarda yurtimiz bayrogʻini koʻklarga koʻtarib, nafaqat mintaqamizda balki jahonda yetakchilardan sanalishadi. Bugungi kunda ham Prezidentimizning eʼtibori va davlatimizning qoʻllab-quvvatlashi bilan ushbu sport turi rivoji yangi bosqichga olib chiqilmoqda.

Oʻzbekiston Milliy Olimpiya qoʻmitasi hamyurtlarimiz va oʻquvchilarimizdan yuqorida taʼkidlangan yolgʻon xabarlarga eʼtibor qilmaslikni, oʻz navbatida ommaviy axborot vositalaridan faqatgina rasmiy, ishonchli va asoslangan maʼlumotlarni tarqatishlarini soʻrab qoladi.