Sport gimnastikasi bo‘yicha O‘zbekiston terma jamoasi ayni kunlarda Gruziyaning Tbilisi shahrida o‘quv-mashg‘ulot yig‘inida bo‘lib turibdi. Sportchilarimizga murabbiy va massajchilar hamrohlik qilishmoqda.

Yig‘inda Tokio-2020 Olimpiadasi qatnashchisi Rasuljon Abdurahimov, shuningdek, Abdulla Azimov, Habibullo Ergashev, Abdulaziz Mirvaliyev, O‘tkirbek Jo‘rayev, Fayoziddin Mamatqulov, Dildora Aripova, Gulnoz Jumabekova, Diana Baxtiyarova, Naima Nig‘monova va Lobar Amrillayeva kabi yosh iqtidor egalari ishtirok etmoqda. Ushbu yig‘in kelasi oydan boshlanadigan yangi mavsum startlari uchun asosiy tayyorgarlik vazifasini o‘tab bermoqda.