27 Yanvar 2022
2858
Gandbolchilarimiz jahon chempionati yoʻllanmasini qoʻlga kirita olishmadi
Xabar berganimizdek, ayni kunlarda gandbol boʻyicha Oʻzbekiston erkaklar terma jamoasi Saudiya Arabistonida Osiyo chempionatida ishtirok etmoqda. Ayni paytgacha kelib, yarim final ishtirokchilari nomi maʼlum boʻldi.
Kuchli sakkizlikda harakat qilgan yigitlarimiz ikkinchi guruh bosqichida Qatar, Janubiy Koreya va Saudiya Arabistoni jamoalariga imkoniyatni boy berib qoʻydi. Shu tariqa, kelasi yil boʻlib oʻtadigan jahon chempionatiga yoʻllanma beruvchi kuchli beshlikka kira olishmadi.
Endi yigitlarimiz narigi kvartetda soʻnggi pogʻonani egallagan Quvayt bilan yettinchi oʻrin uchun bahs olib borishadi.
