Qisqa tanaffusdan soʻng boks boʻyicha Toshkentdagi yoshlar oʻrtasidagi Osiyo chempionati davom etadi. Bugun barcha toifalarda yarim final janglari oʻtkazilib, chempionlik sari oʻz yurishini davom ettiradigan sportchilar aniqlanadi.

Rejaga koʻra, bugun 12:00 dan 16:00 gacha ayollar oʻrtasida, 17:00 dan 21:00 gacha erkaklar yarim final bellashuvlari oʻtkazilishi rejalashtirilgan. Unda jahon chempioni Nigina Oʻktamova, shuningdek, Javlonbek Yoʻldoshev, Sitora Turdibekova, Ruslan Abdullayev kabi 17 nafar vakilimiz ringga koʻtariladi. Bellashuvlarni tomosha qilishni istagan muxlislarni “Universal” sport majmuasiga chorlab qolamiz.