Oʻzbekiston kamondan otish milliy terma jamoasi aʼzolari 17-25-yanvar kunlari Rossiya Federatsiyasining Oryol shahrida “Klassik” hamda “Kompaund” yoʻnalishi boʻyicha boʻlib oʻtgan xalqaro turnirda ishtirok yetib yurtimizga qaytishdi. Terma jamoa aʼzolari Toshkent xalqaro aeroportida munosib kutib olindi. Tadbirda Oʻzbekiston Respublikasi Milliy gvardiyasi mutasaddilari, Oʻzbekiston kamondan otish federatsiyasi rahbariyati va sportchilarimizning yaqinlari ishtirok etdi.

Eslatib oʻtamiz mazkur musobaqa yakuniga koʻra merganlarimiz Ziyodaxon Abdusattorova va Amirxon Sodiqov faxrli birinchi oʻrinni hamda Kamola Yunusova va Ozodbek Ungalov mikst yoʻnalishida faxrli uchinchi oʻrinni qoʻlga kiritishdi. Sportchilarimizning kelgusi faoliyatida ham omad tilab qolamiz.