24 Yanvar 2022
1953
Malika Hakimovani tabriklaymiz!
Bugun qilichbozlik boʻyicha Oʻzbekiston terma jamoasi aʼzosi Malika Hakimova tavallud ayyomini nishonlamoqda.
Malika Hakimova 1996-yil 24-yanvar kuni Navoiy shahrida tugʻilgan. Hamyurtimiz shpaga qurolida yoshlar oʻrtasida ikki karra Osiyo chempioni va sovrindori boʻlgan. Kattalar oʻrtasida esa Jahon kubogi sovrindori hisoblanadi. Tokio-2020 sikli yakunida jahon reyting orqali Olimpiya oʻyinlariga yoʻllanma oldi va 4 yillikning eng nufuzli musobaqasida yurtimiz sharafini himoya qildi.
Oʻzbekiston Milliy Olimpiya qoʻmitasi Malika Hakimovani tavallud ayyomi bilan tabriklab, unga uzoq umr va ulkan gʻalabalar tilab qoladi.
