Poytaxtimizda oʻtayotgan boks boʻyicha yoshlar oʻrtasidagi Osiyo chempionatida bugun ikkinchi kun bahslari oʻtkaziladi. Ushbu kun dasturida ikki nafar vakilimiz ringga koʻtarilishi belgilangan.

Dastlab -57 kg vazn toifasida Dilshod Abdulmurodov iroqlik Muhammed Makassesga qarshi bahs olib boradi. Ushbu bahs taxminan 16:45 da boshlanadi. Ikkinchi bokschimizning chiqishi kunning eng soʻnggi dasturiga toʻgʻri kelmoqda. Unda -91 kg vazn toifasida Javohir Togʻaymurodov tojikistonlik Davlat Boltayevga qarshi jang qiladi. Bellashuv vaqti taxminan 18:30 ga toʻgʻri keladi.