Ayni kunlarda Rossiya Federatsiyasining Oryol shahrida kamondan otish boʻyicha xalqaro musobaqa boʻlib oʻtmoqda. Turnir reglamentga koʻra, 18 metr masofadan otish boʻyicha tashkil etilgan.

Bugun mikst (aralash juftlik) dasturida gʻolib va sovrindorlar aniqlab olindi. Quvonarlisi, unda Amirxon Sadikov hamda Ziyodaxon Abdusattorova juftligi gʻalaba qozonib, oltin medalga sazovor boʻldi. Shuningdek, bronza medali uchun kechgan bahsda Ozodbek Ungalov hamda Kamola Yunusova raqiblarini magʻlubiyatga uchratishdi va jamoamizga navbatdagi medalni taqdim qildilar.

Musobaqa 25-yanvarga qadar davom etadi.