20 Yanvar 2022
1144
Kumushxon Fayzullayevani tabriklaymiz!
Bugun ogʻir atletika boʻyicha Oʻzbekiston terma jamoasi aʼzosi Kumushxon Fayzullayeva tavallud ayyomini nishonlamoqda.
Kumushxon Fayzullayeva 2002-yil 20-yanvar kuni Navoiy viloyatida tugʻilgan. Yosh va iqtidorli sportchimiz oʻsmirlar va yoshlar oʻrtasida Osiyo va jahon chempionatlari gʻolibi, 2018-yil Argentinada oʻtgan oʻsmirlar Olimpiya oʻyinlari chempioni hisoblanadi. Sportchimiz Tokio-2020 Olimpiya oʻyinlarida -76 kg vazn toifasida ishtirok etib, oltinchi natijani qayd etgan.
Oʻzbekiston Milliy Olimpiya qoʻmitasi Kumushxon Fayzullayevani tavallud ayyomi bilan tabriklab, unga uzoq umr, sihat-salomatlik tilab qoladi.
