17 Yanvar 2022
1539
Futbol boʻyicha amputantlar oʻrtasida jahon chempioni Baxtiyor Rajabov 70 yoshga toʻldi
Futbolimiz tarixida amputantlarimiz qayd etgan natijalar alohida ahamiyatga ega. Chunki ushbu terma jamoa aʼzolari bir necha bor jahonda tengsiz ekanliklarini isbotlashgan. Ana shu jamoada jahon chempionligini qoʻlga kiritgan Baxtiyor Rajabov 70 yoshni qarshi oldi.
Fidoyi hamyurtimiz ushbu sana munosabati bilan munosib qutlandi. Oʻzbekiston MOQda u kishiga esdalik sovgʻasi topshirilib, bugungi yubiley ayyomi bilan muborakbod etildi. Sovgʻani Oʻzbekiston sport faxriylari kengashi raisi Bahodir Maxsitov topshirdi.
Fursatdan foydalanib, Oʻzbekiston Milliy Olimpiya qoʻmitasi Baxtiyor Rajabovni bugungi ayyom bilan tabriklab, u kishiga uzoq umr va sihat salomatlik tilab qoladi.