14 Yanvar 2022
2143
Bayramingiz muborak boʻlsin, mard va jasur Vatan himoyachilari!
Bugun 14-yanvar – Oʻzbekiston Respublikasi Qurolli Kuchlari tashkil etilganining 30 yilligi va Vatan himoyachilari kuni. Jonajon Oʻzbekistonimizning xavfsizligi, sarhadlarimiz daxlsizligini himoya qilish, tinch va xotirjam hayotimizni asrab-avaylash har bir yigit uchun yuksak shon-sharafdir.
Ona Vatanimiz nomini dunyoga tanitishda harbiy sportchilarimiz ham oʻzlarining salmoqli hissalarini qoʻshib kelishmoqda. Fursatdan foydalanib, Oʻzbekiston Milliy Olimpiya qoʻmitasi bugungi bayram bilan sharafli burchlarini ado etib kelayotgan oʻgʻlonlarimiz – Vatan himoyachilarini samimiy muborakbod etib, xizmat vazifalarini bajarishlarida ularga kuch-gʻayrat va zafarlar tilaydi!
