12 Yanvar 2022
1259
Sablyachilarimiz Gran-Pri oldidan soʻnggi mashgʻulotlarni oʻtkazishmoqda
Gruziya poytaxti Tbilisi shahrida qilichbozlarimiz olib borayotgan oʻquv-mashgʻulot yigʻini oʻz yakuniga yetib bormoqda. Vladimir Nazlimov boshchiligidagi sablyachilarimiz mashgʻulotlarda Turkiya, Bolgariya, Rossiya va mezbon jamoa vakillari bilan oʻz mahoratlarini oshirmoqdalar.
Ertaga yigʻin doirasida soʻnggi mashgʻulotlar oʻtkaziladi. Shundan soʻng sportchilarimiz yilning dastlabki yirik starti Tbilisi Gran-Prisida ishtirok etishadi. Reglamentga koʻra, 14-16-yanvar kunlari yakkalik, 17-yanvar kuni jamoaviy dasturda qilichbozlarimiz oʻz mahoratlarini namoyish qiladilar.
