Dzyudochilarimiz uchun yangi qoidalar bo‘yicha seminar o‘tkazildi
Xabaringiz bor, yaqinda Xalqaro dzyudo federatsiyasi qoidalarga kichik o‘zgarishlar kiritgan edi. IJF rasmiy saytiga Parij-2024 Olimpiada sikli uchun yangi qoidalar haqida videodastur ham joylangan. Unda IJF hakamlar supervayzeri va sharhlovchisi Neyl Adams bu haqda batafsil tushuntirish bergan edi.
Bu borada O‘zbekiston dzyudo federatsiyasida mazkur o‘zgarishlar yuzasidan seminar o‘tkazildi. Xalqaro toifadagi referi Ramziddin Saidov tomonidan o‘tkazilgan tadbirda kattalar va yoshlar terma jamoalari dzyudochilariga o‘zgarishlar bo‘yicha batafsil ma’lumot berildi. Tadbir davomida sportchilar o‘zlarini qiziqtirgan savollarga atroflicha javob olishdi.
Eslatib o‘tamiz, bu o‘zgarishlar 26-28 yanvar kunlari Portugaliyaning Odivelash shahrida o‘tadigan Gran-pri musobaqasidan boshlab Parij-2024 sikli yakuniga qadar amal qiladi.
