Ayni kunlarda velosport boʻyicha Oʻzbekiston terma jamoasining barcha yosh toifasidagi sportchilari Toshkent viloyatining Boʻstonliq tumanida oʻquv-mashgʻulot yigʻinini olib bormoqda.

Mashgʻulotlar xorijlik murabbiy Gleb Groysman boshchiligida kuniga 3 mahaldan yoʻlga qoʻyilgan. Ushbu yigʻin joriy yil shosse va trek yoʻnalishlarida boʻlib oʻtadigan Osiyo chempionatiga tayyorgarlikning asosiy bosqich vazifasini oʻtab beradi. Murabbiy ushbu yigʻinga qitʼa birinchiligida yurtimiz sharafini himoya qilishga daʼvogar 24 nafar sportchini jalb qilgan boʻlib, uni yakuni boʻyicha boʻlajak musobaqada qatnashadigan yakuniy tarkib saralab olinadi. Tarkibda Murodjon Xolmuratov kabi tajribali sportchilarimiz qatorida Yanina Kuskova, Aleksey Fomovskiy, Danil Yevdakimov, Akram Sunnatov, Ulugʻbek Saidov kabi yosh iqtidor egalarini ham uchratish mumkin.

Mashgʻulotlar 26-yanvarga qadar davom etadi.