5 Yanvar 2022 396

Xitoy davlati rahbari Pekin-2022 qishki Olimpiya oʻyinlariga tayyorgarlikni koʻzdan kechirdi

Xitoy Xalq Respublikasi Raisi Si Szinpin yaqinlashib kelayotgan Pekin-2022 qishki Olimpiya oʻyinlariga tayyorgarlik jarayoni bilan tanishdi. Tashrif davomida u musobaqa uchun yangi qurilgan konkida yugurish stadioni, asosiy matbuot markazi, Olimpiya shaharchasida boʻlib, sportchilar va mehmonlar uchun yaratilgan sharoitlar bilan tanishdi.

“Yana bir oy astoydil harakat qilaylik. Aytganimdek, birdamlik muvaffaqiyat garovi. Qishki Olimpiya oʻyinlarini muvaffaqiyatli oʻtkazish uchun barcha saʼyi-harakatlarni amalga oshirishimiz kerak. Bu oʻyinlar “yashil” (ekologiya maʼnosida), sodda va xavfsiz gʻoyamizni aks ettirishga imkon beradi”, – deya davlat rahbaridan iqtibos keltirmoqda “Insidethegames” nashri.

Eslatib oʻtamiz, Pekin-2022 qishki Olimpiya oʻyinlari 4-20-fevral kunlari boʻlib oʻtadi.

Belgilangan matnni tinglash uchun quyidagi tugmani bosing Powered by GSpeech