Kecha Barselonada o‘tgan yengil atletika bo‘yicha xalqaro musobaqada 5 km masofaga stadion tashqarisida yugurish dasturida erkaklar va ayollar o‘rtasida jahon rekordlari qayd etildi.

E’tiborlisi, har ikki rekord ham efiopiyalik yosh yuguruvchilarga nasib etdi. 21 yoshli Ejegayexu Taye o‘zining xalqaro musobaqalardagi ikkinchi startida 14:19 daqiqa ko‘rsatkich bilan ayollar toifasidagi rekordni yangilamoqda. U mavsum davomida 3000 metr masofadagi dasturda 8:19.52 daqiqa bilan Efiopiyaning eng zo‘r ko‘rsatgichini qayd etgan edi.

20 yoshli Berixu Aregavi esa 12:49 daqiqa bilan yangi rekord muallifiga aylandi. Aregvai o‘tgan oy Lillda o‘tgan musobaqada keniyalik Joshua Cheptegeining rekordini 1 soniyaga yaxshilashga muvaffaq bo‘lgan. Shu tariqa u 2021 yilni o‘zining yuqori sport formasida yakunlashga erishdi.