Bugun mahoratli badiiy gimnastikachimiz Sabina Tashkenbayeva tavallud ayyomini nishonlamoqda.

Tashkenbayeva Sabina Talʼat qizi 2000-yil 27-noyabrda tavallud topgan. 6 yoshidan beri badiiy gimnastika bilan shugʻullanadi. 2013-yil terma jamoaning asosiy tarkibiga qabul qilingan. 2017, 2018 va 2019-yillar qitʼa chempionatida gʻalaba qozongan. 2017-yilgi Islom birdamligi oʻyinlari sovrindori. 2018-yil bulavada mashq qilish dasturida Jahon kubogida kumush medalni qoʻlga kiritgan.

Joriy yil Jahon kubogi bosqichlaridagi ishtirok orqali Tokio-2020 Olimpiya oʻyinlariga yoʻllanma oldi, biroq musobaqa arafasi betob boʻlib qolgani uchun faoliyatidagi eng muhim startda ishtirok eta olmay qoldi. Shunday boʻlsa ham, 2021-yilning ikkinchi yarmi u uchun unutilmas boʻldi.

Oʻzbekiston Milliy Olimpiya qoʻmitasi Sabina Tashkenbayevani bugungi ayyom bilan tabriklab, unga uzoq umr, sihat-salomatlik tilab qoladi.