Ayni kunlarda velosport boʻyicha Oʻzbekiston terma jamoasi vakillari Toshkent viloyatining Boʻstonliq tumanida oʻquv-mashgʻulot yigʻinini olib borishmoqda.

22-noyabr kuni boshlangan mashgʻulotlar 15-dekabrgacha davom etadi. Mazkur yigʻin fevral oyida Hindistonda oʻtadigan trek, mart oyida Tojikistonda oʻtadigan shosse yoʻnalishlaridagi Osiyo chempionatiga tayyorgarlik vazifasini bajarib beradi.

Mashgʻulotlar amerikalik German Groysman boshchiligidagi murabbiylar shtabi tomonidan 42 nafar turli yosh toifalaridagi sportchilarga olib borilmoqda.